'തൃശൂരിലേത് സാമ്പിൾ വെടിക്കെട്ട്, യഥാർത്ഥ വെടിക്കെട്ട് തദ്ദേശ തെരഞ്ഞെടുപ്പിൽ കാണാം': പികെ കൃഷ്ണദാസ്
തിരുവനന്തപുരം: ലോക്സഭ തെരഞ്ഞെടുപ്പിൽ ബിജെപിക്ക് കേരളത്തിൽ ഉണ്ടായത് വലിയ രാഷ്ട്രീയ വിജയമാണെന്ന് ബിജെപി നേതാവ് പികെ കൃഷ്ണദാസ്. മലയാളിക്ക് ബിജെപിയെ ജയിപ്പിക്കാൻ ഒരു മടിയുമില്ലെന്ന് പികെ കൃഷ്ണദാസ് പറഞ്ഞു. തൃശൂരിലേത് സാമ്പിൾ വെടിക്കെട്ടാണ്. യഥാർത്ഥ വെടിക്കെട്ട് തദ്ദേശ സ്വയംഭരണ തെരഞ്ഞെടുപ്പിൽ കാണാമെന്നും പികെ കൃഷ്ണ ദാസ് മാധ്യമങ്ങളോട് പ്രതികരിച്ചു.
കോൺഗ്രസ്സിന്റെയും ബിജെപിയുടെയും പരമ്പരാഗത വോട്ടുകൾ ബിജെപി നേടി. ചെന്നിത്തലയുടേതും ഹസ്സന്റേതും വിലകുറഞ്ഞ പ്രസ്താവനയാണ്. തൃശൂരിൽ നേമം മോഡലിന് അവർ ശ്രമിച്ചു. ജനം അതിനെ ചെറുത്ത് തോല്പിച്ചു. കെ.മുരളീധരൻ തൃശൂരിൽ വിദൂഷകൻ ആയി മാറിയെന്നും പികെ കൃഷ്ണദാസ് പറഞ്ഞു.
Leave A Comment