ഗുലാം നബി ആസാദ് കോൺഗ്രസിൽ നിന്ന് രാജിവച്ചു
ന്യൂഡൽഹി: മുതിർന്ന നേതാവ് ഗുലാം നബി ആസാദ് കോൺഗ്രസിൽ നിന്ന് രാജിവച്ചു. ജമ്മു കശ്മീരില് പാര്ട്ടി പദവികളില് നിന്ന് കഴിഞ്ഞ ദിവസം രാജിവച്ചതിന് പിന്നാലെയാണ് കോണ്ഗ്രസ് അംഗത്വം തന്നെ അദ്ദേഹം രാജിവച്ചിരിക്കുന്നത്. ഏറെ നാളായി കോണ്ഗ്രസ് നേതൃത്വവുമായി ഭിന്നതയിലായിരുന്നു ഗുലാം നബി ആസാദ്. പാര്ട്ടിയില് വിമത ശബ്ദം ഉയര്ത്തിയ ജി-23 നേതാക്കളില് പ്രമുഖനുമായിരുന്നു അദ്ദേഹം.
കോണ്ഗ്രസ് അഖിലേന്ത്യാ രാഷ്ട്രീയകാര്യ സമിതിയില് അംഗമായ ഗുലാം നബി ആസാദിനെ സംസ്ഥാന ഘടകത്തിന്റെ പ്രചാരണ സമിതി അധ്യക്ഷസ്ഥാനത്ത് നിയമിച്ചത് തരംതാഴ്ത്തലിന്റെ ഭാഗമായിരുന്നെന്ന് അദ്ദേഹവുമായി അടുത്ത ബന്ധമുള്ളവര് അഭിപ്രായപ്പെട്ടിരുന്നു.
Leave A Comment