നാളെ മകളുടെ വിവാഹം; പരോളിലിറങ്ങിയ റിപ്പർ ജയാനന്ദന് മാളയിലെത്തി
മാള: മകളുടെ വിവാഹത്തിൽ പങ്കെടുക്കുന്നതിന് പരോൾ അനുവദിച്ചതിനെ തുടര്‍ന്ന് വിയ്യൂര്‍ ജയിലില്‍ കഴിഞ്ഞിരുന്ന കുപ്രസിദ്ധ കുറ്റവാളി റിപ്പർ ജയാനന്ദന് മാള പള്ളിപ്പുറത്തെ വീട്ടിലെത്തി. രണ്ടുദിവസം ജയാനന്ദന് വീട്ടില്‍ കഴിയാം.എന്നാല്‍ രാവിലെ ഒമ്പത് മണി മുതൽ വൈകിട്ട് അഞ്ച് മണി വരെയാണ് പരോൾ സമയം ആയി അനുവദിച്ചിട്ടുള്ളത്.
റിപ്പർ ജയാനന്ദന്‍റെ ഭാര്യയാണ് പരോളിന്‌ വേണ്ടി കോടതിയെ സമീപിച്ചത്. അഭിഭാഷകയായ ജയാനന്ദന്‍റെ മകളാണ് ജയാനന്ദന് വേണ്ടി കോടതിയിൽ ഹാജരായത്. തുടർന്ന് ഉപാധികളോടെ ഹൈക്കോടതി പരോൾ അനുവദിക്കുകയായിരുന്നു. എന്നാൽ സർക്കാർ ജയാനന്ദന് പരോൾ അനുവദിക്കുന്നതിനെ എതിർത്തിരുന്നു. അതേസമയം പൊലീസ് അകമ്പടിയോടെ ആണ് ജയാനന്ദന് വിവാഹത്തിൽ പങ്കെടുക്കുക. ജയാനന്ദനെ ഇന്ന് വൈകിട്ട് 5 ന് ജയിലിൽ തിരികെ എത്തിക്കും.
നാളെ വടക്കുന്നാഥ ക്ഷേത്രത്തിൽ നടക്കുന്ന വിവാഹ ചടങ്ങിലും പൊലീസ് അകമ്പടിയിൽ പങ്കെടുക്കാം. മാള ഇരട്ടക്കൊല, പെരിഞ്ഞനം, പുത്തൻവേലിക്കര കൊലക്കേസുകൾ അങ്ങനെ ഇരുപത്തിനാലു കേസുകളിൽ പ്രതിയാണ് ജയാനന്ദൻ. സ്ത്രീകളെ തലയ്ക്കടിച്ച് വീഴ്ത്തി ആഭരണം തട്ടിയെടുക്കലായിരുന്നു രീതി. ജീവിതാവസാനം വരെ കഠിന തടവാണ് ശിക്ഷ. അതിവ അപകടകാരിയായതിനാൽ പരോൾ പോലും അനുവദിച്ചിരുന്നില്ല.
Leave A Comment