കൊ​ച്ചി: ആ​ലു​വ പ​മ്പ് ഹൗ​സി​ലെ കേ​ടാ​യ മോ​ട്ട​റു​ക​ള്‍ ന​ന്നാ​ക്കാ​ന്‍ കാ​ല​താ​മ​സം വ​രു​ന്ന​തി​നാ​ൽ കൊ​ച്ചി​യി​ലെ കു​ടി​വെ​ള്ള പ്ര​ശ്നം പ​രി​ഹ​രി​ക്കാ​ൻ വൈ​കും. കേ​ടാ​യ ര​ണ്ട് പ​മ്പു​ക​ളി​ല്‍ ഒ​രെ​ണ്ണ​ത്തി​ന്‍റെ അ​റ്റ​കു​റ്റ​പ്പ​ണി​ക​ള്‍ 26 ഓ​ടെ പൂ​ര്‍​ത്തി​യാ​കു​ക​യു​ള്ളു. അ​തി​നു ശേ​ഷ​മേ ഭാ​ഗി​ക​മാ​യെ​ങ്കി​ലും കു​ടി​വെ​ള്ള വി​ത​ര​ണം പു​നഃ​സ്ഥാ​പി​ക്കാ​നാ​കു​ക​യു​ള്ളെ​ന്ന് വാ​ട്ട​ര്‍ അ​ഥോ​റി​റ്റി ഉ​ദ്യോ​ഗ​സ്ഥ​രു​മാ​യി ന​ട​ത്തി​യ ച​ര്‍​ച്ച​യ്ക്ക് ശേ​ഷം ജ​ല​വി​ഭ​വ​മ​ന്ത്രി റോ​ഷി അ​ഗ​സ്റ്റി​ന്‍ പ​റ​ഞ്ഞു.

ആ​ലു​വ​യി​ലെ പ​മ്പ് ഹൗ​സി​ല്‍ വെ​ള്ളം ടാ​ങ്കി​ലേ​ക്കു എ​ത്തി​ക്കു​ന്ന മൂ​ന്നു പ​മ്പ് സെ​റ്റു​ക​ളി​ല്‍ ര​ണ്ടെ​ണ്ണ​മാ​ണ് കേ​ടാ​യ​ത്. ഇ​തേ​ത്തു​ട​ര്‍​ന്ന് ന​ഗ​ര​ത്തി​ലേ​ക്കു​ള്ള കു​ടി​വെ​ള്ള വി​ത​ര​ണ​ത്തി​ല്‍ 70 ശ​ത​മാ​ന​ത്തോ​ളം കു​റ​വു​ണ്ടാ​യി. തു​ട​ര്‍​ന്നാ​ണ് ന​ഗ​ര​മേ​ഖ​ല​ക​ളി​ല്‍ ക​ഴി​ഞ്ഞ ഒ​രാ​ഴ്ച​യി​ലേ​റെ​യാ​യി ക​ടു​ത്ത കു​ടി​വെ​ള്ള​ക്ഷാ​മം നേ​രി​ട്ട​ത്. പ്ര​ശ്‌​ന​ത്തി​ല്‍ അ​ടി​യ​ന്ത​ര പ​രി​ഹാ​ര​ത്തി​നാ​യി ഇ​ന്ന​ലെ കൊ​ച്ചി​യി​ല്‍ ചേ​ര്‍​ന്ന യോ​ഗ​ത്തി​ല്‍ പ​മ്പ് സെ​റ്റു​ക​ളു​ടെ കേ​ടു​പാ​ടു​ക​ള്‍ പ​രി​ഹ​രി​ക്കു​ന്ന​തി​ലെ കാ​ല​താ​മ​സം ഉ​ദ്യോ​ഗ​സ്ഥ​ര്‍ മ​ന്ത്രി​യെ ധ​രി​പ്പി​ച്ചു.

ഒ​രു മോ​ട്ടോ​ര്‍ അ​ഴി​ച്ചെ​ടു​ക്കാ​ന്‍ മാ​ത്രം ര​ണ്ടു ദി​വ​സ​ത്തോ​ളം വേ​ണ​മെ​ന്ന് ഉ​ദ്യോ​ഗ​സ്ഥ​ര്‍ മ​ന്ത്രി​യെ അ​റി​യി​ച്ചു. തു​ട​ര്‍​ന്ന് കേ​ടു​പാ​ട് സം​ഭ​വി​ച്ച ഭാ​ഗം അ​ഴി​ച്ചു​മാ​റ്റി കോ​യ​മ്പ​ത്തൂ​ര്‍ എ​ത്തി​ച്ച് വേ​ണം കേ​ടു​പാ​ട് പ​രി​ഹ​രി​ക്കാ​ന്‍. ഇ​തി​നു ചു​രു​ങ്ങി​യ​ത് ര​ണ്ടു ദി​വ​സ​മെ​ങ്കി​ലും വേ​ണം. പി​ന്നീ​ട് മോ​ട്ടോ​ര്‍ പൂ​ര്‍​വ​സ്ഥി​തി​യി​ലാ​ക്കാ​നും ര​ണ്ടു ദി​വ​സ​മെ​ടു​ക്കു​മെ​ന്ന് ഉ​ദ്യോ​ഗ​സ്ഥ​ര്‍ ധ​രി​പ്പി​ച്ചു.

26 ഓ​ടെ കേ​ടു​പാ​ട് സം​ഭ​വി​ച്ച ഒ​രു മോ​ട്ടോ​ര്‍ പ്ര​വ​ര്‍​ത്ത​ന​ക്ഷ​മ​മാ​ക്കാ​നാ​കു​മെ​ന്നും ഇ​വ​ര്‍ പ​റ​ഞ്ഞു. ര​ണ്ടാ​മ​ത്തെ മോ​ട്ടോ​റി​ന്‍റെ കേ​ടു​പാ​ടു​ക​ള്‍ മാ​ര്‍​ച്ച് എ​ട്ടോ​ടെ​യേ പ​രി​ഹ​രി​ക്ക​പ്പെ​ടു​ക​യു​ള്ളു.