കേസ് വന്നപ്പോള്‍ വ്യാജരേഖ നശിച്ചിച്ചെന്ന് വിദ്യ മൊഴി നല്‍കി; പോലീസ് കോടതിയില്‍
പാലക്കാട്: മഹാരാജാസ് കോളജിന്‍റെ പേരില്‍ വ്യാജരേഖ ഉണ്ടാക്കിയെന്ന് കെ.വിദ്യ സമ്മതിച്ചെന്ന് പോലീസ് കോടതിയില്‍ പറഞ്ഞു. കേസ് വന്നപ്പോള്‍ രേഖ നശിപ്പിച്ചെന്ന് വിദ്യ പറഞ്ഞതായും പോലീസ് വ്യക്തമാക്കി.
വിദ്യയുടെ ജാമ്യാപേക്ഷ പരിഗണിക്കുന്നതിനിടെ മണ്ണാര്‍ക്കാട് കോടതിയിലാണ് പോലീസ് ഇക്കാര്യം അറിയിച്ചത്. വിദ്യയുടെ ഫോണിലാണ് വ്യാജ സര്‍ട്ടിഫിക്കറ്റ് ഉണ്ടാക്കിയത്.
ഇത് അക്ഷയകേന്ദ്രത്തില്‍വച്ച് ഇ-മെയില്‍ മുഖേന അയച്ച ശേഷം ഇതിന്‍റെ പ്രിന്‍റ് ഔട്ട് എടുത്തു. ഇതിന്‍റെ കോപ്പിയാണ് അട്ടപ്പാടി കോളജില്‍ അഭിമുഖത്തിനെത്തിയപ്പോള്‍ സമര്‍പ്പിച്ചത്.
എന്നാല്‍ ഈ പ്രിന്‍റ് ഔട്ട് പിന്നീട് കീറിക്കളഞ്ഞെന്നും ഫോണില്‍ നിന്നും തെളിവുകള്‍ നശിപ്പിച്ചെന്നുമാണ് വിദ്യയുടെ മൊഴി. എന്നാല്‍ സൈബര്‍ വിദഗ്ധര്‍ വിദ്യയുടെ ഫോണില്‍ നടത്തിയ പരിശോധനയില്‍ ഫോണില്‍നിന്ന് ഡിലീറ്റ് ചെയ്ത ഫയലുകള്‍ വീണ്ടെടുത്തതായി പോലീസ് അറിയിച്ചിരുന്നു.
Leave A Comment