കൊടകര: കുട്ടികൾക്കും മറ്റും വിൽപ്പന നടത്തുന്നതിനായി സൂക്ഷിച്ച ഒന്നേകാൽ കിലോഗ്രാം തൂക്കം വരുന്ന ഗഞ്ചാവുമായി രണ്ട് പ്രതികളെ കൊടകരയിൽ നിന്നും  അറസ്റ്റ് ചെയ്തു. കൊടകര തേശ്ശേരി സ്വദേശി കാരയിൽ വീട്ടിൽ യദുപ്രകാശ് (29), പറപ്പൂക്കര മുത്രത്തിക്കര സ്വദേശി മണപ്പുള്ളി വീട്ടിൽ വിജയ് (26) എന്നിവരെയാണ് തൃശ്ശൂർ റൂറൽ ജില്ലാ പോലീസ് മേധാവി ബി.കൃഷ്ണകുമാർ ഐ.പി.എസ് ന്റെ നേതൃത്വത്തിലുള്ള ഡാൻസാഫ് സംഘം അറസ്റ്റ് ചെയ്തത്.പ്രതികൾക്കെതിരെ ജുവനൈൽ ജസ്റ്റിസ് ആക്ടിലെ വകുപ്പുകളും എൻ.ഡി.പി.എസ് നിയമപ്രകാരമുള്ള വകുപ്പുകളും ചേർത്ത് കേസെടുത്തു.